નવસારી ખાતે યોજાયેલી 6મી ગુજરાત રાજ્ય ગ્રેપલિંગ ચેમ્પિયનશિપમાં બોટાદ જિલ્લાના ખેલાડીઓએ શાનદાર પ્રદર્શન કરીને રાજ્યભરમાં ગૌરવ વધાર્યું છે. DLSS શાળાના 22 ખેલાડીઓએ કુલ 39 મેડલ, જેમાં 14 ગોલ્ડ, તેમજ અન્ય સિલ્વર અને બ્રોન્ઝ મેડલ જીતી બોટાદ જિલ્લાને રાજ્યમાં પ્રથમ સ્થાન અપાવ્યું છે. આ અદ્ભુત સિદ્ધિ ખેલાડીઓની અવિરત મહેનત, કોચના માર્ગદર્શન અને વાલીઓના સહકારનું ઉત્તમ પરિણામ છે. હવે આ તમામ પ્રતિભાશાળી ખેલાડીઓ આગામી રાષ્ટ્રીય ગ્રેપલિંગ ચેમ્પિયનશિપમાં ગુજરાત અને બોટાદ જિલ્લાનું પ્રતિનિધિત્વ કરશે.